Cuma-Bayrım kün, 29 March 2024, 00.39.53
Anasayfa Profil Çıkış RSS
Hoşgeldiniz, Konuk
[ Yeni mesaj · Üyeler · Forum Kuralları · Arama · RSS ]
  • Page 1 of 1
  • 1
Forum » Genel Bölüm » Algışla-Алгышла » Tuugan künge, dagıda anı kibik kimge bolsa da atalgan algışl (Тууган кюнгe, дагыда аны кибик кимгe болса да аталган алгышл)
Tuugan künge, dagıda anı kibik kimge bolsa da atalgan algışl
AssıDate: Cumartesi- Şabat kün, 07 February 2015, 20.42.53 | Message # 1
Private
Group: Administrators
Messages: 14
Awards: 0
Reputation: 0
Status: Offline
...

Tuugan künge, dagıda anı kibik kimge bolsa da atalgan algışla.

Allah üsüngden saulugungu ketermesin uzak ömürnü,
İmanıngı küçlü etsin!
Bereketinge bereket koşsun!
Kölüngde-cüregingde ne igi muratlarıng bar esele da, barı tolsunla!
Allahu Tagalya süygen adamlarıngı caşauların uzak etsin,
Alanı ışıklarından aiırmasın!

* * *
Kezlerigiz culduzlaça cansınla!
Kollarıgızdan bal tamçıla tamsınla!
Aşhı, igi muratlarıgız tolsunla!
Cüregigizde gokka hansla çaksınla!!!

* * *

Tuugan kününg bla algınlayma,
Sauluk, baylık teceyme,
Cürek muratla tolsunla,
Aytılgan algışla tolu bolsunla!

* * *

Uzak bolsun ömürüng,
Keng bolsun caşau colung,
Cumuşak bolsun bashan cering,
Gokkala çaksınla karagan cering,
Karaçay cerni ülgü kızı bol,
Atang-anagdan ayırılma,
Duniyanı başın ışargan karamıng bla carıta
Nasıbnı kolundan tutub caşa.

* * *

Algış ayaknı tolturub içeme
Adam ulunu colu tauusulmazlıgı üçün.
Eter işlerimi ülgüsün biçeme,
Horlarıkdı deb iş har nenida!

* * *

Nasıb senden ketmesin,
Kıyınlık senge cetmesin,
Caşauung mamır bolsun,
Muratlarıng barı tolsun,
Cürek colung mamukdan bolsun,
Abınganıng nasıbha bolsun,
Kayda aylansangda,
Allah saklauçu negering bolsun!

* * *

Allah sauluk-esenlik bersin!
Sizni üydegigiz adamlada em igi, em namıslı, deb aytılırça bolsun!

* * *

Kuançlı bolsun Bayramıgız!
Şoş bolsun keçelerigiz.
Carık bolsun künlerigiz.
Bereketli bolsun tepsilerigiz.
Sauluklu bolsunla ATA--ANA.
Nasıblı bolsunla Balala!!!

* * *

Algışlayma bayramıng bla,
Kününg aşhı bolsun,
Caşaung uzak bolsun,
Hurcunung kalın bolsun,
Nasıbıng erkin bolsun,
Ariulugungu ALLAH almasın,
Saulugungu ALLAH kızganmasın,
Cuugungu ALLAHcarsıtmasın!

* * *

ertden aşhı bolsun!
kününg nürden tolsun!!
keçeng nasıbdan tolsun!!!

* * *

Çukuguz tatlı bolsun!
Ariu tüşle körügüz!
Kölügüz nasıbdan tolsun.
Kuuançla köre tölügüz!!!

* * *

Palah colu keng bolgandan, 
Sen amannga teng bolgandan, 
Allah saklasın. 
Kün tiygende künsüzlükden, 
Erir cerde küysüzlükden, 
Allah saklasın. 
Sabiylering abınngandan, 
Allah sözden kabınngandan, 
Allah saklasın. 
Duşmanınga tıyanngandan, 
Halk allında uyalgandan, 
Allah saklasın. 
Tıbır taşıng suuugandan, 
Cürekleni suuugundan, 
Allah saklasın. 
Umutungu unuthandan, 
Kesi adamıng uluthandan 
Allah saklasın. 
(Sozaylanı Ahmat)

* * *

Tuugan kününg bla algışlayma!
Kuuançlı bolsun har kününg!
Şoş bolsun keçelering!
Carık bolsun künlering!
Bereketli bolsun tepsilering!
Sauluklu bolsun Atang-Anang Egeç Karnaş!
Nasıbla bol! Muratlarıng tolsunla!
Bogan millet senden kuuansınla!!!

* * *

Tengizlede suula kibik,
Ullu bolsun nasıbıng.
Kökde cangan culduzlaça
Köb bolsun kuuançıng.
Duniyada colla kibik,
Uzun bolsun ömürüng.
Algışlada aytılır kibik,
İgi bolsun caşauung.

* * *

Adamnı Tuugan kününde aytılgan algış:
Tuugan kününg bla algışlayma!
Bayla kibik da bay bol
Allahnı süygenkullarına da teng bol
Atlanganda alga bol
Uzalganda da ırıshıgabol
Aşhı tilekle da kabıl bolsunla
Sauluk da sanınga bolsun
Baylık ketmesin
Carlılık cetmesin
Cangılmazlık akıl
Tauusulmazlık ırıshı Allah bersin!!!

* * *

Caşau çarhıng tengeresin tüzüne!
Cangur kibik nasıb causunüsünge!
Culduzlaça keb bolsunla tenglering!
ALLAH bolsun keçe-kündanegering!!!

* * *

Nasıb senden ketmesin,
Kıyınlık senge cetmesin,
Caşauung mamır bolsun,
Muratlarıng barı tolsun,
Cürek colung mamukdan bolsun,
Abınganıng nasıbha bolsun,
Kayda aylansangda,
Allah saklauçu negering bolsun!
Tuugan kününg bla!

* * *

Algış söznü kutu bar.
Kargış keter,
Algış jeter.
Algış etgen — algışlı,
Kargış etgen — kargışlı.
Algış — başha, jal — başha.
Algış erge jaraşır.
Irazı bolmay, algış etme.
Algışlını jolu sıydam.
 
Forum » Genel Bölüm » Algışla-Алгышла » Tuugan künge, dagıda anı kibik kimge bolsa da atalgan algışl (Тууган кюнгe, дагыда аны кибик кимгe болса да аталган алгышл)
  • Page 1 of 1
  • 1
Search: