Perşembe- Orta kün, 28 March 2024, 13.27.33
Anasayfa Profil Çıkış RSS
Hoşgeldiniz, Konuk
[ Yeni mesaj · Üyeler · Forum Kuralları · Arama · RSS ]
  • Page 1 of 1
  • 1
Forum » Genel Bölüm » Algışla-Алгышла » Kelin kelgen cerde kep aytılğan alğış (Кeлин кeлгeн джeрдe кёп айтылгьан алгьыш)
Kelin kelgen cerde kep aytılğan alğış
AssıDate: Pazartesi - Başkün, 27 October 2014, 19.22.02 | Message # 1
Private
Group: Administrators
Messages: 14
Awards: 0
Reputation: 0
Status: Offline
Tıngılağız, tıngılağanlaavruvsuz boluğuz, 

kelgenleni colları bolsun mamukdan, 

caşavları bolsun zavukdan, 

kuvançıbız künde da bılay bolsun, 

bu kuvançha kelgen nasıpdan tolsun, 

nasıp halkdan ketmesin, 

kelgenleni caşavları mamır bolsun, 

acalları sabır bolsun, 

caşav bolsun birlikde, 

bolayık bir birge süymeklikde. 

Carısınla cürekle, tüz bolsunla niyetle, 

kabıl bolsunla ahşı tilekle. 

Tüz niyet caşasın, zarnı küe aşasın, 

ahşılıkğa çabış sınla, nasıbın köp tapsınla, 

ahşılıkdan ülğü alayık, amanlıkdan keng kalayık. 

Istavatla mallı bolsunla, batmanla ballı bolsunla, 

egiz-egiz tölü tuvsun, segiz-segiz nasıp cavsun, 

kozlamağan tişi kalmasın, cavunlu bolsun cazıbız, 

karlı bolsun kışıbız, mong bolsun azığıbız. 

Elpek bolsunla malla, bek bitsinle sabanla, 

başlarına kol cetmezça, tübü cilyan ötmezça, 

ol nasıpnı biz tileybiz, alğış ayak kolubuzda, 

uça sıy da allıbızda, cangı kelinni nasıbıdı, 

kelgen kelinibiz kutlu bolsun, 

kelgen kelinni ayağından, 

cılıv ursun cayağından, 

süyüm bersin közleri, 

iynak bolsun sözleri. 

Işara-küle kelsin, kelgen üyün süe kelsin, 

eter işin bile kelsin, 

kartha tatlı bolsun, mong caşavğa açhıç bolsun, 

carık bersin culduzça, cıltırasın kunduzça, 

apsınlağa ülgü bersin, 

har kim anı ariv körsün, 

bek tabışsın eri bla, 

eti bolğança teri bla, 

ertten bla ertte tursun, 

eter işin terk toltursun, 

taza bolsun turğan üyü, 

cıltıray össün üyürü, 

butun burup oltursun, 

butlay urçuk toltursun, 

tabıvçu bolsun egizleni, 

caşı ceksin ögüzleni, 

kızı ursun kiyizleni. 

Allah bersin ögüznü tarthanın, 

atnı çaphanın, uşkoknu athanın, 

koynu tüklüsün, iynekni sütlüsün. 

Alğışçı alğış etsin, tıngılağanla amin desinle, 

amin demegen tilin kapsın. 

Alğış bu üyden ketmesin, 

karğış bu üyge cetmesin, 

amanla aythan kibik Allah etmesin. 

Bu eki sabiyge zaran bolğannı caşavu ongmasın, 

Allahdan tilegeni kabıl bolmasın. 

Duniyabız mamır bolsun, 

halkıbız mallı bolsun. 

Kartlarıbız akılğa üyretsinle, 

caşla, kızla da anı etsinle, 

urunup caşayık, bir birge boluşayık, 

halal kıyın aşayık, 

Allah süygenleden bolayık, carık betden karayık. 

Bu caş bla kıznı toyudu, cangı üydegini va oyunudu. 

Boza ayaknı alayık, carık betden karayık, 

bu kuruğan çöpnü başıdı, nasıplını aşıdı, 

ulludu bu ayaknı hurmeti, carık bolsun munu etgenniniyeti, 

kelgen kelinibiz alçı bolsun, 

kelgen cavğa açı bolsun, 

kuvançlık üslerinde barsın, 

alğış ayaknı aksakal alsın, 

kuvançıbız elde terk-terk barsın.
 
Forum » Genel Bölüm » Algışla-Алгышла » Kelin kelgen cerde kep aytılğan alğış (Кeлин кeлгeн джeрдe кёп айтылгьан алгьыш)
  • Page 1 of 1
  • 1
Search: